Microsoft şirkəti yaxın aylarda iOS və Android platformalarından Lens skaner tətbiqini silir.
Redaksiya məlumat verir ki, Microsoft Lens və ya əksər istifadəçilərin bildiyi kimi Office Lens, 9 fevral tarixindən etibarən dəstəklənməyəcək və tətbiq 9 mart tarixindən sonra fəaliyyətini dayandıracaq. Bu barədə Microsoft tərəfindən rəsmi açıqlama verilib.
Lens-in portativ skaner funksiyaları əvəzində OneDrive-da mövcud olacaq, bu da Microsoft üçün xüsusi bir tətbiqin artıq ehtiyac olmadığını göstərir. İstifadəçilər hələ də ağ lövhələrin, sənədlərin və qəbzlərin şəkillərini çəkə, onları OneDrive-da rəqəmsal olaraq saxlaya və redaktə edə biləcəklər. Çəkilən şəkillər daha sonra Word və ya PDF sənədlərinə çevrilə bilər, həmçinin düzgün kəsilə və döndürülə bilər.
Microsoft, Office Lens tətbiqini ilk dəfə 2015-ci ildə iOS və Android platformaları üçün təqdim etmişdi. Bu tətbiq, istifadəçilərə müxtəlif sənədləri, ağ lövhələri və digər məlumatları asanlıqla skan etməyə və rəqəmsal formatda saxlamağa imkan verirdi. Tətbiqin funksionallığı, istifadəçilərin iş və şəxsi həyatlarında sənədlərlə işləmə prosesini xeyli asanlaşdırmışdı. Microsoft-un bu qərarı, şirkətin OneDrive-a daha çox diqqət ayırması və bu platformada daha geniş funksionallıq təmin etməsi ilə əlaqədardır.