ABŞ-ın vitse-prezidenti olmuş Mayk Pens 2017-2021-ci illəri əhatə edən dövrə istinadla çıxış edərək ABŞ prezidenti Donald Trampa müraciət edib və İranla bağlı sərt siyasi mövqe nümayiş etdirib. O, iranlı etirazçıların ümidlərinin məhv edilməməli olduğunu vurğulayıb və bölgədə alternativ yanaşmanın mövcud olduğunu bildirib.
Redaksiya xəbər verir ki, Mayk Pens Donald Trampa ünvanladığı müraciətdə İran xalqına dəstək verilməsinin vacibliyini qeyd edərək, etirazçıların Ayətullah Xamenei və onun qüvvələrinə qarşı mübarizədə təşviq edilməli olduğunu deyib. O bildirib ki, etirazçılara rejimə təzyiqi davam etdirmək üçün inam verilməlidir, çünki mövcud hakimiyyət öz problemlərinə yalnız güllə ilə cavab verir.
Pensin sözlərinə görə, İslam Respublikası çökərsə, bütün region daha əlverişli vəziyyətə düşəcək. O vurğulayıb ki, bu halda Çin və Rusiya ABŞ-nin düşmənləri oxunda üçüncü əsas dayağı itirmiş olacaq və bu, qlobal geosiyasi balanslara ciddi təsir göstərəcək.