İsrail siyasi səhnəsində mühüm kadr dəyişikliyi baş verib. Baş nazir Benyamin Netanyahuya yaxınlığı ilə tanınan Strateji İşlər Naziri Ron Dermer vəzifəsini tərk edib.
Redaksiya İsrail mediasına istinadla xəbər verir ki, Dermerin istefası hökumət daxilində son aylarda artan siyasi gərginlik və strateji qərarların həyata keçirilməsindəki fikir ayrılıqları fonunda baş verib. Rəsmi məlumatda istefanın səbəbi açıqlanmasa da, Dermer uzun illər boyunca Netanyahunun ən yaxın siyasi tərəfdaşlarından biri sayılırdı.
Ron Dermer, hökumətdə milli təhlükəsizlik, regional diplomatiya və ABŞ-la əlaqələr kimi əsas sahələrə cavabdeh olan aparıcı fiqurlardan biri idi. Onun gedişinin İsrail hakimiyyətinin diplomatik kursuna və daxili siyasi balansına necə təsir göstərəcəyi diqqətlə izlənilir.
