İsrail Baş nazirinin ofisi İsrail və Suriyanın təhlükəsizlik məsələlərində mövcud vəziyyətin qorunması barədə daha əvvəl razılığa gəldiyini bildirib.
Redaksiya xəbər verir ki, Netanyahu ofisinin iddiasına görə, Suriya Hələb yaxınlığındakı hərbi hava bazasında Türkiyə qüvvələrinin yerləşdirilməsinə icazə verməklə bu razılaşmanı pozmağa hazırlaşırdı.
İsrail tərəfi Suriyaya belə bir yerləşdirmənin ölkənin təhlükəsizliyi üçün təhdid yaradacağı barədə dəfələrlə xəbərdarlıq etdiyini bildirib. Açıqlamada Dəməşqin bu xəbərdarlıqları nəzərə almadığı iddia olunur.
Netanyahu ofisi Türkiyə hərbi qüvvələrinin sözügedən bazada yerləşdirilməsini İsrailin təhlükəsizlik maraqları baxımından qəbuledilməz hesab etdiyini vurğulayıb. Suriya və Türkiyə tərəfinin bu konkret ittihamlara münasibəti açıqlamada yer almayıb.