İlon Mask Avropa İttifaqının hazırkı idarəetmə quruluşu barədə sərt mövqeyini açıqlayaraq, Komissiyanın fəaliyyətinin demokratik prinsipləri əks etdirmədiyini bildirib.
Redaksiya xəbər verir ki, Mask çıxışında Avropa İttifaqı Komissiyasının ləğv edilməli olduğunu və onun yerində birbaşa seçilən üzvlərdən ibarət yeni institutun yaradılmasının vacibliyini vurğulayıb.
O, Komissiyanın hazırkı strukturunu “bürokratiya” adlandıraraq bunun vətəndaş iradəsini təmsil etmədiyini qeyd edib. Maskın sözlərinə görə, Avropa İttifaqı Prezidenti də birbaşa seçki yolu ilə müəyyən olunmalıdır.
Müşahidəçilər Maskın bu yanaşmasının Avropa İttifaqının idarəetmə mexanizmləri ətrafında gedən müzakirələri daha da intensivləşdirə biləcəyini bildirirlər.