HƏMAS bəyan edib ki, razılaşma çərçivəsində 250 nəfərlik siyahıdakı məhbuslarla yanaşı, Qəzzada saxlanılan 1700 məhbus, eləcə də bütün qadın və uşaqlar azad olunacaq. Təşkilatın açıqlamasında əlavə olunub ki, Rəfah sərhəd qapısı iki tərəfli şəkildə açılacaq və humanitar hərəkətə tam icazə veriləcək.
Redaksiya xəbər verir ki, HƏMAS Türkiyə, Misir və Qətərdəki vasitəçi tərəflərə “dərin minnətdarlığını” ifadə edib və razılaşmanın əldə olunmasında bu ölkələrin rolunu “tarixi” adlandırıb.
İsrailin milli təhlükəsizlik naziri İtamar Ben-Qvir isə sərt reaksiya verərək bildirib: “Aralarında 250 qatillə birlikdə minlərlə terrorçunun azad edilməsi qəbuledilməz bir bədəldir.” Bu açıqlama İsrail hökumətində razılaşmanın təsdiqi ərəfəsində daxili gərginliyi daha da artırıb.