Slovakiyanın Baş naziri Robert Fiko Avropa İttifaqının Rusiya ilə bağlı hazırkı strategiyasını sərt şəkildə tənqid edib. O, bu strategiyanın qüsurlu, səmərəsiz olduğunu və işləmədiyini bəyan edib.
Redaksiya xəbər verir ki, Fiko Avropa İttifaqının sülh təşəbbüslərinin zəruriliyinə hələ də inanmadığını vurğulayıb. Baş nazir qeyd edib ki, qurum yalnız müharibə haqqında danışmağa davam edir.
Slovakiyanın Baş naziri əlavə edib ki, Avropa İttifaqının müəyyən bir strategiyası var və onun məqsədi Rusiyanı diz çökdürməkdir. Onun sözlərinə görə, "ruslar çox ustalıqla qeyd edirlər ki, 'əgər diz çöksək, bu yalnız ayaqqabı bağlarımızı bağlamaq üçündür.'"