Ermənistan İstintaq Komitəsi “Çiçəklənən Ermənistan” partiyasının nümayəndəsi Andranik Tevanyan barəsində cinayət işi açıb.
Redaksiya xəbər verir ki, siyasətçi Rusiyanın xeyrinə casusluqda şübhəli bilinir.
İstintaqın detalları və ittihamın konkret hansı fəaliyyətlərlə əlaqəli olduğu hələlik açıqlanmayıb.
Andranik Tevanyan Ermənistanın mövcud hakimiyyətini tənqid edən siyasətçilərdən biri kimi tanınır və Baş nazir Nikol Paşinyanın siyasətinə qarşı sərt çıxışları ilə gündəmə gəlir.
Hadisə Ermənistan-Rusiya münasibətlərində gərginliyin davam etdiyi, İrəvanın isə son dövrlər Qərbə yaxınlaşmağa çalışdığı mərhələdə baş verir.
Ermənistanda müxalif qüvvələr artıq işi siyasi motivli təzyiq kimi qiymətləndirməyə başlayıb.