Türkiyə Prezidenti Rəcəb Tayyib Ərdoğanın Almaniya kansleri Fridrix Merts ilə görüşü Türkiyə-Almaniya münasibətlərində yeni bir mərhələnin başlanğıcını qoyub. Görüş, iki ölkə arasında iqtisadi əməkdaşlığın güclü təməl üzərində qurulduğunu göstərən mühüm nəticələrlə yadda qalıb.
Redaksiya məlumat verir ki, 50 milyard dollara çatan ticarət həcminin 60 milyard dollara çatdırılması hədəfi, ölkələr arasındakı iqtisadi əlaqələrin möhkəmliyini nümayiş etdirir. Müdafiə sənayesi də daxil olmaqla geniş əməkdaşlıq sahəsi, gələcəyə yönəlik strateji bir sinerji vəd edir. Prezident Ərdoğan, Qəzzada yaşanan humanitar fəlakətin təkrarlanmaması və davamlı sülhün yalnız iki dövlətli həll yolu ilə mümkün olduğu barədə Türkiyənin qəti mövqeyini bir daha vurğulayıb.
Bu yanaşma, həm humanitar, həm də regional sabitlik baxımından Türkiyənin prinsipial mövqeyini ortaya qoyur. Suriya məsələsində koordinasiya, 10 mart razılaşmasının tətbiqi istiqamətində qətiyyət, Türkiyənin sülh, sabitlik və həmrəyliyə əsaslanan diplomatiya anlayışını əks etdirir. İctimaiyyətlə əlaqələr üzrə idarə rəisi Burhanəddin Duran, sosial şəbəkədə Almaniya kansleri Mertsın Türkiyəyə rəsmi səfəri ilə bağlı paylaşımında bu məqamları qeyd edib.