Türkiyə Prezidenti Rəcəb Tayyib Ərdoğan Azərbaycanın Anım Günü münasibətilə paylaşım edərək Qarabağın Azərbaycan torpağı olduğunu və həmişə belə qalacağını bildirib. O, işğala son qoyulması uğrunda mübarizə aparan şəhid və qazilərin xatirəsini ehtiramla yad edib. Bu barədə Anadolu Agentliyi məlumat yayıb.
Redaksiya istinadla xəbər verir ki, Ərdoğan Azərbaycanın ərazi bütövlüyünün bərpası uğrunda həyatını itirən şəhidlərə Allahdan rəhmət diləyib, qazilərə isə minnətdarlığını ifadə edib.
Türkiyə Prezidenti Qarabağın Azərbaycan üçün tarixi və milli əhəmiyyətini vurğulayaraq, Ankaranın Bakı ilə həmrəyliyinin davam etdiyini bildirib.
Azərbaycanda 27 sentyabr Anım Günü kimi qeyd olunur. Bu tarix 2020-ci ildə başlayan və 44 gün davam edən Vətən müharibəsində həlak olan şəhidlərin xatirəsinə həsr edilib.