Somali sahilləri yaxınlığında Türkiyəyə məxsus hərbi təyinatlı yük daşıdığı bildirilən LUTUF adlı yük gəmisi quldurlar tərəfindən ələ keçirilib. Bu barədə Associated Press məlumat yayıb.
Redaksiya istinadla xəbər verir ki, Kamerun bayrağı altında üzən gəmi Marraya yaşayış məntəqəsindən təxminən 6,5 kilometr aralıda ələ keçirilib.
Məlumata görə, gəmidə silahlar, rabitə avadanlığı və peyk texnikası olub. Yükün Somalinin paytaxtı Moqadişoda yerləşən Türkiyə hərbi təlim mərkəzi üçün nəzərdə tutulduğu bildirilir.
Hadisənin təfərrüatları, ekipajın vəziyyəti və yükün hazırkı taleyi barədə əlavə məlumat hələ açıqlanmayıb.