Tramp administrasiyası böyük böhran zamanı NATO üçün ayrılması nəzərdə tutulan ABŞ hərbi qüvvələrinin sayını azaltmağı planlaşdırır.
Redaksiya Reuters-ə istinadla xəbər verir ki, dəyişiklik Vaşinqtonun Avropaya öz müdafiəsi üçün daha çox məsuliyyət götürməsi mesajı kimi qiymətləndirilir.
Məlumata görə, yeni yanaşma cümə günü Brüsseldə müttəfiqlərə təqdim ediləcək.
Plan ABŞ-ın NATO daxilindəki rolunun yenidən bölüşdürülməsi və Avropa ölkələrinin hərbi yükünün artırılması istiqamətində növbəti addım hesab olunur.
Bu qərar Rusiyaya qarşı təhlükəsizlik narahatlıqları, Ukrayna müharibəsi və NATO-nun şərq cinahının müdafiəsi fonunda müzakirələr yaradacaq.