Süni intellekt əsaslı platformada qrup çatları funksiyası artıq bütün istifadəçilər üçün əlçatan olub. Yeni imkan sayəsində bir söhbət otağına maksimum 20 nəfər əlavə etmək mümkündür.
Redaksiya xəbər verir ki, yenilənmiş mexanizmdə süni intellekt yalnız zəruri hallarda prosesə qoşulur və qrup müzakirələrindən tam ayrılmış şəkildə fəaliyyət göstərir. Bununla da əməkdaşlıq, layihə idarəetməsi və operativ ünsiyyət daha rahat formada həyata keçirilir.
Funksiya həm iş yoldaşları arasında gündəlik koordinasiya, həm də komanda layihələrinin idarə edilməsində sürət və şəffaflıq təmin etməyi hədəfləyir. İstifadəçilər artıq qrup daxilində müzakirələr apararaq birbaşa platforma üzərindən əməkdaşlıq edə bilirlər.