Tayvanın müxalif Kuomintang Partiyasının lideri Çen Li-vun ölkədə siyasi və ictimai qütbləşmənin getdikcə dərinləşdiyini bildirib. O, insanların fərqli informasiya mühitlərində yaşadığını və bunun Tayvanın əsas problemlərindən birinə çevrildiyini deyib.
Redaksiya xəbər verir ki, Çen Li-vun Tayvanda insanların sanki paralel kainatlarda yaşadığını, hər kəsin öz informasiya dairəsi və əks-səda mühitində qaldığını bildirib.
Onun sözlərinə görə, ölkədə demək olar hər məsələ daxili qarşıdurmaya çevrilir və bu vəziyyət Tayvanın irəliləməsinə mane olur. Çen mövcud siyasi atmosferin cəmiyyətdəki fikir ayrılıqlarını daha da gücləndirdiyini vurğulayıb.
Kuomintang lideri xəbərdarlıq edib ki, hazırkı tendensiya davam edərsə, Tayvan daxilində parçalanma daha ciddi həddə çata bilər. O, əsas problemin xarici deyil, cəmiyyət daxilində yaranan dərin siyasi və informasiya bölünməsi olduğunu bildirib.