Braziliya Prezidenti Luiz İnasiu Lula da Silva, Rusiya-Ukrayna münaqişəsi ilə bağlı diplomatik təşəbbüs çərçivəsində Rusiya Prezidenti Vladimir Putinlə birbaşa əlaqə saxlayacağını açıqlayıb.
Redaksiya xəbər verir ki, bu sözləri prezident Lula dilə gətirib:
“Putinlə danışacağam və ondan İstanbulda Ukrayna ilə keçiriləcək atəşkəs görüşünə qatılmasını istəyəcəyəm.”
Bu açıqlama, beynəlxalq ictimaiyyətin İstanbulda planlaşdırılan sülh və atəşkəs danışıqlarına dəstək göstərmək səylərinin bir hissəsi kimi qiymətləndirilir. Lula administrasiyası əvvəllər də vasitəçilik və diplomatik həll yollarının təşviqi ilə çıxış etmişdi.
İstanbul görüşünə beynəlxalq maraq artmaqda davam edir. Rusiya tərəfinin bu çağırışa necə cavab verəcəyi diqqətlə izlənilir.
Sevinc Kərimova