Belarus prezidenti Aleksandr Lukaşenko xokkey matçı zamanı baş verən insidentlə gündəmə gəlib. Hadisə Brest vilayətinin yığması ilə keçirilən oyunda qeydə alınıb.
Redaksiya məlumat verir ki, matç zamanı Lukaşenko öz komandasının oyunçusu tərəfindən təsadüfən yıxılıb. Keçmiş Belarus milli komandasının üzvü və Ufa təmsilçisi “Salavat Yulayev” klubunda çıxış etmiş Yaroslav Çuprisin arxası ilə hərəkət edərkən prezidentə toxunduğu bildirilib.
Məlumata görə, insidentdən dərhal sonra Yaroslav Çupris xokkey çomağını yerə ataraq Lukaşenkoya ayağa qalxmaqda kömək edib. Hadisə oyunun gedişinə ciddi təsir göstərməyib.
Qarşılaşma 5:5 hesabı ilə başa çatıb. Oyunun son saniyəsində həlledici qolu Belarus prezidentinin oğlu Nikolay Lukaşenko vurub.