Ağ Ev sözçüsü Karolin Livitt sosial şəbəkədə “HuffPost” nəşri ilə arasında baş vermiş yazışmanın tam ekran görüntüsünü paylaşıb.
Redaksiya xəbər verir ki, “HuffPost” jurnalisti Livitt-dən “Budapeşti kim seçdi?” sualını soruşduqda, sözçü istehzalı cavab verib: “Anan seçdi.” Daha sonra jurnalist “Bu sənə gülməli gəlir?” sualını ünvanlayıb. Livitt isə cavabında yazıb: “Gülməli olan odur ki, sən özünə jurnalist deyirsən. Sənin və dostlarının heç kim tərəfindən ciddiyə alınmadığı, ifrat solçu bir yaltaq olduğun hamıya məlumdur.”
Hadisə ABŞ mətbuatında böyük rezonans doğurub. Bir çox media ekspertləri Livitt-in bu reaksiyasını qeyri-peşəkar adlandırsa da, bəzi Tramp tərəfdarları onun “provokasiyalara qarşı sərt duruşunu” müdafiə edib.
