Avropa Çimərlik Futbolu Liqasının B divizionunda yarımfinalçılar müəyyənləşib. Azərbaycan, Rumıniya, Qazaxıstan və Litva mübarizəni davam etdirəcək. Belçika və Malta isə divizionda qalacaq.
Redaksiya xəbər verir ki, Azərbaycan millisi ikinci turda Belçika ilə qarşılaşıb və gərgin oyunda 5:4 hesabı ilə qalib gəlib. Qarşılaşmada öncə belçikalılar hesabı açsalar da, Elçin və Sabirin qolları üstünlüyü yığmamıza gətirib. Ardınca rəqib bərabərlik qolunu vuraraq fasiləyə 2:2 hesabı ilə gedib.
Məlumata görə, ikinci hissədə Belçika yenidən önə keçsə də, son periodda Sahib iki dəfə fərqlənib, Ramil isə qələbə qolunu vurub. Bununla da Azərbaycan yarımfinala yüksələrək növbəti mərhələdə mübarizə aparmaq hüququ qazanıb.