ABŞ‑nin Nevada və Oreqon ştatlarının sərhədində yerləşən qədim vulkanik kraterin altında 40 milyon metrik ton litium ehtiyatının mövcudluğu müəyyən edilib. Bu həcmin dəyəri təxminən 150 milyard dollar məbləğində qiymətləndirilir və yaxın onilliklər ərzində batareya istehsalı üçün kifayət qədər strateji resurs hesab olunur.
Redaksiya xəbər verir ki, tapıntı qlobal miqyasda litium tələbatının artdığı bir dövrdə ABŞ üçün mühüm iqtisadi və texnoloji imkan yaradır. Ehtiyatların miqyası ölkənin enerji keçidi strategiyası, xüsusilə də elektrikli nəqliyyat vasitələri və enerji saxlama sistemləri baxımından əhəmiyyətli potensial vəd edir.
Mütəxəssislər bildirirlər ki, bu kimi iri litium yataqlarının sənaye istehsalına cəlb edilməsi uzunmüddətli investisiya, infrastruktur quruculuğu və ekoloji tələblərə uyğunlaşdırma kimi kompleks proseslər tələb edir. Ehtiyatların real iqtisadi səmərəsinin nə vaxt reallaşacağı onların çıxarılma və emal sürətindən asılı olacaq.