ABŞ senatoru Lindsi Qrem İranla bağlı açıqlamalar verərək ölkədəki mövcud vəziyyəti “uzunmüddətli kabus” adlandırıb və bu prosesin tezliklə sona çatacağını bildirib. O, İran rəhbərliyini sərt tənqid edib və beynəlxalq təhlükəsizlik üçün ciddi təhdid kimi qiymətləndirib.
Redaksiya xəbər verir ki, Lindsi Qrem çıxışında ABŞ prezidenti Donald Trampın mövqeyinə dəstəyini ifadə edərək, onun qətiyyətli addımlarından qürur duyduğunu deyib. Senatorun sözlərinə görə, İran xalqının taleyində dönüş nöqtəsi məhz bu qətiyyətlə bağlıdır.
Qrem İran hakimiyyətini öz xalqına qarşı amansız zorakılıqda, beynəlxalq terrorizmi dəstəkləməkdə və ABŞ vətəndaşlarının ölümündə məsuliyyət daşımaqda ittiham edib. O, bu siyasətin qlobal nizam üçün ən böyük təhlükələrdən biri olduğunu vurğulayıb.
Senator bildirib ki, İran rəhbərliyinə qarşı həlledici zərbə etirazçıların vətənpərvər cəsarəti ilə ABŞ prezidenti Donald Trampın qərarlı mövqeyinin birləşməsi nəticəsində mümkün olacaq. Onun fikrincə, bu proses uzun yolun əsas dönüş nöqtəsini təşkil edir.