Ukrayna Prezidenti Volodimir Zelenski Rusiyanın Ukraynaya qarşı təhdidlərini davam etdirdiyini və real diplomatiyaya hazır olmadığını bildirib.
Redaksiya xəbər verir ki, Zelenski Rusiyanın “dəli davranışının səngimədiyini” deyib.
Onun sözlərinə görə, Moskva yenidən Ukraynaya hücumlarla hədələyir və müharibəni diplomatik yolla bitirmək üçün real iradə göstərmir.
Zelenski həmçinin Rusiyanın Belarusu müharibəyə daha dərindən cəlb etməyə çalışdığını bildirib.
Ukrayna lideri qeyd edib ki, Moskva yalnız Ukraynanı deyil, Baltik ölkələrini, Finlandiyanı, Moldovanı və Polşanı da hədəf göstərən təhdidlər səsləndirir.
“Biz qətiyyətli və güclü qalmalıyıq. Çox şey bizim qərarlarımızdan və birliyimizdən asılıdır”, — deyə Zelenski vurğulayıb.
Açıqlama Rusiya-Ukrayna müharibəsində hava hücumlarının intensivləşdiyi və region ölkələri arasında təhlükəsizlik narahatlıqlarının artdığı dövrə təsadüf edir.