Ukrayna Prezidenti Volodimir Zelenski bəyan edib ki, bəzi tərəfdaşlardan müharibənin başa çata biləcəyinə dair siqnallar alınır və bu məqamın yaxınlaşdığına ümid edir. Onun sözlərinə görə, mövcud proseslər diplomatik səylərin gücləndirilməsini zəruri edir.
Redaksiya xəbər verir ki, Zelenski Türkiyə və Qətərin müharibənin dayandırılması istiqamətində birgə səylərə qoşulmaq istədiyini bildirib. O vurğulayıb ki, bu prosesdə onların oynaya biləcəyi istənilən rol dəstəklənməlidir.
Ukrayna lideri qeyd edib ki, beynəlxalq vasitəçilik təşəbbüsləri münaqişənin sülh yolu ilə həllinə töhfə verə bilər. Onun fikrincə, tərəfdaş ölkələrin koordinasiyalı fəaliyyəti müharibənin dayandırılması perspektivlərini gücləndirir.