Ukrayna prezidenti Volodimir Zelenski Fransada aparılan danışıqlarda ölkəsinin müdafiə imkanlarını gücləndirmək məqsədilə genişhəcmli yeni sazişlərin yekunlaşdırılmasına çalışır. Tərəflər hava hücumundan müdafiə sistemləri, raketlər və mümkün Rafale qırıcı təyyarələrinin əldə olunması üzrə müzakirələri dərinləşdiriblər.
Redaksiya mənbəyə istinadən xəbər verir ki, tərəflər arasında 10 illik aviasiya əməkdaşlığı haqqında razılaşmanın hazırlanması gündəmdədir. Paketə əlavə SAMP/T hava hücumundan müdafiə sistemlərinin də daxil edilə biləcəyi bildirilir.
Mənbələr danışıqların uzunmüddətli hərbi dəstək çərçivəsini möhkəmləndirəcəyini, Ukraynanın hava müdafiə qabiliyyətinin artırılmasının isə prioritet istiqamətlərdən biri olduğunu vurğulayırlar. Paris və Kiyev arasında yeni razılaşmaların yaxın müddətdə rəsmiləşdirilməsi gözlənilir.