WhatsApp, "Qrup Mesajı Keçmişi" funksiyasını təqdim etdiyini açıqladı. Bu yenilik, qrup söhbətlərini daha da səmimi etməyi hədəfləyir və yeni üzvlərin qrupdakı son hadisələrdən xəbərdar olmasını asanlaşdırır.
Redaksiya məlumat verir ki, WhatsApp-ın verdiyi açıqlamaya görə, "Qrup söhbətlərini daha da səmimi bir hala gətirən Qrup Mesajı Keçmişi xüsusiyyətini istifadəyə təqdim etməkdən həyəcan duyuruq. Artıq qrup rəhbərləri və üzvləri, yeni üzvlərin baş verənlərdən sürətli bir şəkildə xəbərdar ola bilməsi üçün ən son mesajları bu üzvlərə göndərə bilərlər."
Bu funksiya, istifadəçilərin ən çox tələb etdiyi xüsusiyyətlərdən biri olaraq, WhatsApp-ın cihazınızdan asılı olmayaraq qrup mesajlaşmasında liderliyini bir daha sübut edir. "Qrup Mesajı Keçmişi", digər bütün şəxsi mesajlar kimi, ucdan-uca şifrələnməyə davam edir və söhbətləri axıcı saxlamağın daha sürətli və daha məxfi bir yolunu təklif edir. Artıq ekran görüntüləri göndərməyə və ya lazımsız mesajlar ötürməyə ehtiyac yoxdur.
Qrup söhbətlərinə əlavə etdiyiniz yeni şəxslərin qrupda baş verənlərdən xəbərdar olmasına kömək etmək üçün bu şəxslərə ən son mesajları göndərə biləcəyiniz bir seçim var. Bu seçimi istifadə edərək, ən azı 25, ən çoxu 100 mesaj göndərə bilərsiniz. Yeni üzvlərin yalnız ən aktual və ən son mesajları oxuması kifayət edəcək.