Texnologiya dünyasında yeniliklər davam edir və istehsalçılar müxtəlif sahələrdə yeni məhsullar təqdim etməyə davam edirlər. Bu dəfə diqqət mərkəzində tabletlər var və vivo şirkəti də bu sahədə iddialı addımlar atır.
Redaksiya məlumat verir ki, vivo şirkəti yeni tablet modellərini təqdim edib. Şirkət, Pad SE və Pad 5 Pro modelləri ilə tablet bazarında öz yerini genişləndirməyi hədəfləyir. Pad SE modeli 12.3 düymlük 2.5K ekranla təchiz olunub. Bu modelin "Yumşaq İşıq" versiyası da mövcuddur ki, bu da işıq əksini azaltmaq üçün nano örtüklə təchiz edilib. Tablet, Qualcomm Snapdragon 4 Gen 2 prosessoru ilə işləyir və 8 GB RAM və 256 GB daxili yaddaşa malikdir. Dörd dinamik sistemi və 8500 mAh batareyası ilə uzun müddətli istifadə imkanı təklif edir. Pad SE, mavi və tünd boz rənglərdə təklif olunur və qiyməti 140 ilə 250 dollar arasında dəyişir.
Pad 5 Pro modeli isə daha yüksək performans tələb edən istifadəçilər üçün nəzərdə tutulub. Bu model 13 düymlük, 3.1K təsvir ölçüsünə və 144Hz yeniləmə sürətinə malik ekranla təchiz edilib. 1200 nitə qədər parlaqlıq, HDR10 dəstəyi və geniş rəng dəqiqliyi ilə vizual keyfiyyəti artırır. MediaTek Dimensity 9400 prosessoru ilə təchiz olunan Pad 5 Pro, yüksək qrafika tələb edən oyunları belə yüksək keyfiyyətlə oynamağa imkan verir. Geniş istilik yayma sistemi sayəsində uzun müddətli istifadədə də qızma problemi yaşanmır. Pad 5 Pro-nun qiyməti 355 dollardan başlayır və 475 dollara qədər yüksəlir. Yalnız Wi-Fi bağlantısı olan 512 GB yaddaşa malik modelin qiyməti isə təxminən 445 dollar təşkil edir.
Bu yeni tablet modelləri, vivo-nun tablet bazarında daha da güclənməsinə kömək edəcək. Hər iki model də müxtəlif istifadəçi ehtiyaclarını nəzərə alaraq hazırlanmışdır.
Sevinc Kərimova