ABŞ prezidenti Donald Tramp Fransa prezidenti Emmanuel Makronun ona göndərdiyi şəxsi mesajların məzmununu ictimaiyyətə açıqlayıb. Açıqlanan yazışmalar iki lider arasında Yaxın Şərq, Avropa təhlükəsizliyi və beynəlxalq diplomatik təşəbbüslərlə bağlı müzakirələrin aparıldığını göstərir.
Redaksiya xəbər verir ki, Makron Trampa ünvanladığı məktubda Suriyada mövqelərin tam uzlaşdığını, İran məsələsində birgə böyük addımlar atmağın mümkün olduğunu bildirib, lakin Qrenlandiya ilə bağlı atılan addımları başa düşmədiyini qeyd edib.
Mesajda Fransa prezidentinin ABŞ prezidenti Donald Trampa müraciəti belə təqdim olunub: “From president Macron to President Trump. My friend, We are totally in line on Syria. We can do great things on Iran. I do not understand what you are doing on Greenland. Let us try to build great things”.
Makron məktubun davamında konkret diplomatik təkliflər də irəli sürüb və bunları nömrələnmiş şəkildə ifadə edib: 1) i can set up a g7 meeting after Davos in Paris on thursday afternoon. I can invite the ukrainians, the danish, the syrians and the russians in the margins 2) let us have a dinner together in Paris together on thursday before you go back to the us.
Mesaj Emmanuel Makronun imzası ilə tamamlanıb və açıqlama beynəlxalq mediada ABŞ–Fransa münasibətlərinin hazırkı vəziyyəti və Qrenlandiya ətrafında yaranan siyasi gərginlik fonunda geniş müzakirələrə səbəb olub.