Tayvan lideri Lay Çinq-te bildirib ki, ABŞ Prezidenti Donald Tramp Çin lideri Si Cinpini Tayvana qarşı güc tətbiqindən çəkindirməyi bacarsa, Nobel Sülh Mükafatına layiq görülməlidir. O vurğulayıb ki, belə bir addım regionda sabitliyin qorunması baxımından tarixi əhəmiyyət daşıyar.
Redaksiya xəbər verir ki, Lay Çinq-te bu açıqlamanı yerli mətbuata verib və Trampın Asiya–Sakit okean bölgəsində sabitliyin təmin olunmasında mühüm rol oynaya biləcəyini bildirib. O, ABŞ-ın Tayvanın təhlükəsizliyinə verdiyi dəstəyi yüksək qiymətləndirib.
Tayvan rəhbəri həmçinin qeyd edib ki, regionda gərginliyin azaldılması yalnız diplomatik dialoq və qarşılıqlı hörmətlə mümkündür. Onun sözlərinə görə, Trampın liderlik bacarığı və praqmatik siyasəti bu istiqamətdə müsbət nəticələr verə bilər.