Samsung rəsmi şəkildə yeni Exynos 2600 birçipli prosessorunun texniki xüsusiyyətlərini öz saytında yerləşdirib. 2 nanometrlik GAA texnoloji proseslə istehsal olunan çip Arm v9.3 arxitekturasına əsaslanır və 10 nüvəli quruluşa malikdir. Yeni istilik ötürmə bloku sayəsində prosessorun məhsuldarlığının əvvəlki nəsillə müqayisədə 39 faiz artdığı bildirilir.
Redaksiya xəbər verir ki, Exynos 2600-də bir ədəd 3,8 GHz tezlikli C1-Ultra, üç performans nüvəsi və altı enerji səmərəli nüvə yer alır. Qrafik imkanlara aparat səviyyəsində şüa izləmə və süni intellekt əsaslı miqyaslama dəstəyi verən Xclipse 960 cavabdehdir. Qrafik performans iki dəfə artırılıb, ayrıca NPU isə post-kvant kriptoqrafiyanı dəstəkləyir.
Platforma LPDDR5X operativ yaddaşı, UFS 4.1 yaddaş qurğularını və 320 MP-ə qədər kameraları dəstəkləyir. Video imkanları arasında 8K 30p kodlama və 8K 60p dekodlama, eləcə də ağıllı səs-küy azaldılması sistemi yer alır. AV1 və APV kodeklərinə baxmayaraq, H.266 standartı xüsusiyyətlər siyahısına daxil edilməyib.