Məlumata görə, Rusiyada bir qrup məktəbli populyar Roblox platformasının blokdan çıxarılması üçün change.org vasitəsilə petisiya başladıb. Onlar hesab edir ki, məhdudiyyətlərin davam etməsi həm oyun icmasına, həm də rəqəmsal yaradıcılıq mühitinə ciddi zərər vurur.
Redaksiya xəbər verir ki, petisiyanı dəstəkləyənlər bloklamanın rusiyalı tərtibatçıların fəaliyyətinə mənfi təsir göstərdiyini, ölkənin qlobal rəqəmsal əyləncə və təhsil sənayesində mövqelərini itirə biləcəyini bildirirlər. İştirakçılar vurğulayırlar ki, minlərlə istifadəçi üçün platforma həm yaradıcılıq, həm də öyrənmə imkanları təqdim edir.
Hüquqşünaslar oyunun blokdan çıxarılmasının hüquqi müstəvidə mümkün olduğunu qeyd ediblər. Onların sözlərinə görə, Rəqəmsal Nəzarət Xidmətinin qərarı məhkəmədə mübahisələndirilə bilər, çünki bloklama prosesi məhkəmə qərarı olmadan həyata keçirilib.
Ekspertlər bildirirlər ki, Roblox-un yenidən istifadəyə açılması üçün əsas şərtlərdən biri platformada moderasiya mexanizmlərinin gücləndirilməsi və təhlükəli kontentin daha sərt şəkildə təmizlənməsidir. Bu tələblər yerinə yetirildiyi halda, oyunun Rusiyada yenidən əlçatan olması istisna edilmir.