Rusiya Federasiyasında qızıl ixracına dair yeni qərar qəbul edilib. Bu qərar Rusiya prezidenti Vladimir Putinin təsdiqlədiyi fərmanla ölkənin hüquqi məlumat sistemində yayımlanıb. Yeni qaydalara əsasən, şirkətlər və ya fərdlər tərəfindən ölkədən 100 qramdan artıq külçə qızılın ixracı qadağan olunur.
Redaksiya məlumat verir ki, bu qərar Rusiya Federasiyasının qızıl ehtiyatlarının artdığı bir dövrə təsadüf edir. Belə ki, noyabr 2025-ci il tarixinə Rusiya Federasiyasının qızıl ehtiyatları ilk dəfə olaraq 300 milyard ABŞ dolları həddini keçib. Eyni zamanda, ölkənin beynəlxalq ehtiyatlarında qızılın payı da 40 faizdən yuxarı yüksəlib.
Bundan əlavə, Moskva Birjasında (MOEX) qiymətli metallar bazarında ümumi əməliyyat həcminin 2025-ci ildə əvvəlki ilə müqayisədə üç dəfədən çox artaraq 3 trilyon rublə (təxminən 38 milyard ABŞ dolları) çatdığı bildirilmişdi. Bu göstəricilər Rusiya Federasiyasının qızıl bazarına olan marağının və bu sahədəki fəaliyyətinin artdığını təsdiqləyir.