İran Parlamentinin sədri Məhəmməd Baqer Qalibaf, Roma Papası Leonun cəsarətli mövqeyini yüksək qiymətləndirərək, onun İsrail və ABŞ-ın hərbi cinayətlərini qınamasını alqışladığını bəyan edib. O, Papasının "Mən qorxmuram" sözlərinin geniş əks-səda doğurduğunu vurğulayıb.
Redaksiya xəbər verir ki, Qalibafın sözlərinə görə, bu bəyanat günahsız insanların qətlə yetirilməsi qarşısında susmayan hər kəs üçün bir yolgöstərici rolunu oynayır. Parlament sədri bu mövqeyin ədalət uğrunda mübarizə aparan bütün şəxslər üçün mühüm bir stimul olduğunu qeyd edib.
Məhəmməd Baqer Qalibaf əlavə edib ki, Roma Papasının liderliyi milyonlarca insana ilham verir və onları mübarizəyə ruhlandırır. O, bu cəsarətli və prinsipial mövqeyə görə Roma Papası Leoya dərin minnətdarlığını ifadə edib.