Microsoft-un yeni Copilot Vision funksiyası, Edge brauzerində istifadəçilərə ekranlarında olanları "görmək" imkanı tanıyır. Bu, istifadəçilərin gündəlik işlərini asanlaşdıran bir alət kimi fəaliyyət göstərir. İstifadəçilər, Copilot Vision vasitəsilə tətbiqləri daha rahat istifadə edə bilərlər.
Redaksiya məlumat verir ki, Microsoft AI-nın CEO-su Mustafa Suleyman, bu yeni xüsusiyyətin istifadəyə verildiyini Bluesky platformasında elan edib. Copilot Vision, istifadəçilərin səsli komandalarla işləməsinə imkan tanıyır. Yəni, istifadəçi sadəcə danışaraq Copilot-dan cavab gözləyə bilər. Suleyman, bu funksiyanı aktivləşdirən istifadəçilərin Copilot Vision-un ekranlarında gördüklərini "həqiqətən görə biləcəyini" bildirir.
Bu yeni xüsusiyyət, mətbəxdə resept hazırlayarkən istifadəçiyə rəhbərlik edə bilər və ya iş elanlarını "deşifrə" edərək müsahibə hazırlığına kömək edə bilər. Lakin, Microsoft-un dəstək səhifəsinə görə, Copilot Vision yalnız ekranın müəyyən hissələrini işıqlandıraraq müvafiq məlumatları tapmağa kömək edir, lakin linkləri tıklamır və ya istifadəçi adından heç bir əməliyyat etmir.
Redaksiya xarici mətbuata istinadla xəbər verir ki, daha geniş sistem səviyyəsində Copilot Vision xüsusiyyətləri hələlik yalnız Copilot Pro abunəçiləri üçün mövcuddur. Abunə ilə Vision, Edge-dən kənara çıxaraq, istifadəçilərə Photoshop və video redaktə proqramlarında kömək etməyə imkan tanıyır.
Copilot Vision-u sınamaq üçün Edge brauzerində Microsoft-un rəsmi saytına daxil olmaq lazımdır. Burada istifadəçiyə funksiyanı aktivləşdirmək üçün bir təklif veriləcək. İcazə verildikdən sonra, istifadəçi Copilot yan panelini açaraq mikrofon ikonuna klikləyə bilər. Bu zaman Vision seansı başlayır. Lakin, bəzi istifadəçilər üçün bu proses bir neçə cəhd tələb edə bilər.
Microsoft, Copilot-un istifadəçilərə verdiyi cavabları qeydə alır, lakin istifadəçilərin daxil etdiyi məlumatları, şəkilləri və səhifə məzmununu toplamadığını bildirir. İstifadəçi Copilot ilə ekran paylaşımını dayandırmaq istədikdə, seansı sona çatdırmaq və ya brauzer pəncərəsini bağlamaq imkanı var.
Sevinc Kərimova