Almaniyanın keçmiş kansleri Angela Merkel Rusiya Prezidenti Vladimir Putinin qiymətləndirilməməsinin keçmişdə səhv olduğunu və bu gün də eyni səhvin təkrarlana biləcəyini bildirib.
Redaksiya xəbər verir ki, Merkel eyni zamanda Avropanın öz gücünə inanmamasının da böyük yanlışlıq olacağını vurğulayıb.
“Keçmişdə Putini qiymətləndirməmək səhv idi, bu gün də eyni səhv olar. Amma özümüzə güvənməmək də eyni dərəcədə böyük səhvdir”, — deyə Merkel bildirib.
Keçmiş kansler xatırladıb ki, 2021-ci ildə keçirilən son Avropa Şurası toplantısında Avropanın Putinlə danışmaq üçün ayrıca format yaratmalı olduğunu təklif edib.
Onun sözlərinə görə, həmin vaxt Aİ daxilində Rusiyaya qarşı vahid siyasi mövqe formalaşdırmaq mümkün olmayıb.
Merkel hesab edir ki, Avropa ölkələri ümumi mövqe tapana qədər bu istiqamətdə işləməyə davam etməlidir.
Açıqlama Rusiya-Ukrayna müharibəsi, Avropanın təhlükəsizlik strategiyası və Moskva ilə mümkün diplomatik təmaslar barədə müzakirələrin yenidən gücləndiyi dövrə təsadüf edir.