Rusiya Təhlükəsizlik Şurası sədrinin müavini Dmitri Medvedev, Ukraynaya hərbi yardım davam etdiyi təqdirdə gözlənilən “bufer zona”nın xəritə üzərində necə görünə biləcəyini nümayiş etdirib.
Redaksiya Rusiya mətbuatına istinadən xəbər verir ki, Medvedevin paylaşdığı vizualda “bufer zona” demək olar ki, Ukraynanın bütün ərazisini – mərkəzi və şərq hissələrini tamamilə əhatə edir. Yalnız ölkənin qərbində cüzi bir ərazi bu zonadan kənarda qalır.
Medvedevin bu bəyanatı və vizual təqdimatı, Rusiyanın gələcəkdə hərbi strategiyasının sərtləşə biləcəyinə dair bir xəbərdarlıq kimi qiymətləndirilir. Onun sözlərinə görə, belə bir zona, Rusiya ərazisinin təhlükəsizliyini təmin etmək və təhdidlərin qarşısını almaq üçün zəruri ola bilər.
Moskvanın bu cür ritorikası, Qərb dövlətlərinin Ukraynaya artan hərbi dəstəyi fonunda regional gərginliyin daha da yüksələ biləcəyinə işarə edir. Analitiklər bu bəyanatları həm psixoloji təzyiq, həm də diplomatik manevr kimi qiymətləndirir.
Sevinc Kərimova