Kolumbiya prezidenti Qustavo Petro X platformasında yazdığı açıqlamada hazırda Karakas şəhərinin bombalandığını bəyan edərək, Venesuelaya qarşı hərbi hücumun həyata keçirildiyini bildirib. Onun sözlərinə görə, paytaxt raket zərbələrinə məruz qalır və vəziyyət son dərəcə təhlükəlidir.
Redaksiya xəbər verir ki, Qustavo Petro baş verənləri bütün dünyaya ünvanlanmış təcili xəbərdarlıq kimi qiymətləndirib və Venesuelaya qarşı hücum faktının dərhal beynəlxalq səviyyədə müzakirə olunmalı olduğunu vurğulayıb. O, Amerika Dövlətləri Təşkilatı və Birləşmiş Millətlər Təşkilatını dərhal fövqəladə iclasa çağırmağa səsləyib.
Kolumbiya prezidentinin bəyanatı regionda gərginliyin sürətlə artdığını göstərir. Petro beynəlxalq ictimaiyyətin susqun qalmamalı olduğunu qeyd edərək, Venesuelada baş verənlərin regional təhlükəsizlik və beynəlxalq hüquq baxımından ciddi nəticələr doğura biləcəyini diqqətə çatdırıb.