Çeçenistan rəhbəri Ramzan Kadırov yeni 500 rubl əsginasının üzərində yer alacaq simvollar üçün keçirilən səsvermədə “Qroznı Siti” layihəsini dəstəkləyənlər arasında on ədəd iPhone 17 hədiyyə edəcəyini açıqlayıb.
Redaksiya xəbər verir ki, Rusiya Mərkəzi Bankının təşkil etdiyi səsvermənin məqsədi əsginasın arxa üzündə yer alacaq simvolu müəyyənləşdirməkdir. “Qroznı Siti” hal-hazırda 694 731 səslə liderlik edir, lakin Elbrus dağı bir neçə min səs fərqi ilə ikinci yerdə qərarlaşıb.
Kadırovun təşəbbüsü sosial şəbəkələrdə geniş rezonans doğurub. O, seçiciləri səsvermədə fəal iştirak etməyə çağıraraq bildirib ki, “Qroznı Siti” Çeçenistanın müasir simvolu kimi ölkənin yeni əsginasında yer almağa layiqdir.