İranda “İslam NATO-su” yaratmaq çağırışı edildi

İranda “İslam NATO-su” yaratmaq çağırışı edildi

Yulduz Səlimov · Media ·

İranda 57 müsəlman ölkəsini birləşdirəcək “İslam NATO-su”nun yaradılması təklif olunub.

Redaksiya Iran International-a istinadla xəbər verir ki, təşəbbüslə İran daxili işlər nazirinin xüsusi köməkçisi çıxış edib.

Onun fikrincə, müsəlman ölkələrinin vahid hərbi-siyasi blokda birləşməsi “böyük dünya gücü” formalaşdıra bilər.

Təklifin əsas arqumentləri kimi enerji resursları, iqtisadi potensial, böyük əhali və strateji nəqliyyat marşrutlarına nəzarət göstərilir.

İran rəsmisi xüsusilə Hörmüz boğazı kimi qlobal enerji ticarəti üçün kritik keçidlərin müsəlman ölkələrinin əlində olduğunu vurğulayıb.

Təşəbbüs ABŞ-İran gərginliyi, Körfəz təhlükəsizliyi və Yaxın Şərqdə hərbi balansın dəyişdiyi dövrdə gündəmə gəlib.

Ekspertlər hesab edirlər ki, belə bir blokun yaradılması siyasi, məzhəbi və regional rəqabətlər səbəbindən son dərəcə çətin görünür. Buna baxmayaraq, ideya Tehranın Qərbə qarşı daha geniş müsəlman ölkələri koalisiyası qurmaq istəyini göstərir.