İran hakimiyyəti bəyan edib ki, ABŞ tərəfindən hərbi hücum olacağı təqdirdə Yaxın Şərqdə İsrail və ABŞ-yə məxsus hərbi komanda mərkəzlərinə zərbələr endiriləcək.
Redaksiya xəbər verir ki, İran İnsan Hüquqları Fəalları Xəbər Agentliyinin məlumatına görə, ölkədə baş verən etiraz aksiyaları zamanı həlak olanların sayı 116-ya çatıb.
Məlumata əsasən, nümayişlər fonunda təhlükəsizlik qüvvələrinin müdaxiləsi davam edir və vəziyyət ölkə daxilində gərgin olaraq qalır.
Eyni zamanda bildirilib ki, İran Prezidenti Pezeşkian bu gün xalqa müraciət edərək mövcud vəziyyət və regional təhlükəsizlik məsələləri ilə bağlı açıqlama verəcək.