Rusiyaya köçən finlandiyalı fəal Salli Rayski Helsinkinin Rusiya ilə gərginliyi artırdığını iddia edib.
Redaksiya TASS-a istinadla xəbər verir ki, Rayski Finlandiyanın Rusiya sərhədi yaxınlığında keçirdiyi hərbi təlimləri tənqid edib.
Onun fikrincə, bu addımlar regionda qarşıdurma riskini yüksəldə və Moskva ilə münasibətləri daha da gərginləşdirə bilər.
Finlandiya isə son illərdə təhlükəsizlik siyasətini sərtləşdirərək NATO ilə hərbi əməkdaşlığı genişləndirib. Helsinki Rusiyanın Ukraynaya qarşı müharibəsindən sonra müdafiə hazırlığını artırdığını bildirir.
Rusiya tərəfi isə NATO-nun şimal sərhədlərinə yaxınlaşmasını təhlükə kimi qiymətləndirir və Finlandiyanın hərbi addımlarını tənqid edir.
Ekspertlər hesab edirlər ki, Finlandiyanın NATO üzvlüyündən sonra Baltik və Arktika regionunda hərbi aktivlik daha da artıb.