İran ordusunun nümayəndəsi Məhəmməd Əkrəminiya bəzi regional ölkələri ABŞ ordusu ilə əməkdaşlığın nəticələri barədə xəbərdar edib.
Redaksiya İran mediasına istinadla xəbər verir ki, Tehran ABŞ-ın mümkün hərbi əməliyyatlarına dəstək verən ölkələrin cavab tədbirləri ilə üzləşəcəyini bildirib.
Əkrəminiyanın sözlərinə görə, İrana qarşı fəaliyyət göstərən istənilən ölkə İran silahlı qüvvələrinin “qəti cavabı” ilə qarşılaşacaq.
O bildirib ki, İran “düşmənə etibar etmir” və hərbi imkanlarını gücləndirməklə yanaşı, potensial hədəflər siyahısını da yeniləyir.
Açıqlama İran ilə ABŞ arasında regionda artan hərbi gərginlik və Hörmüz boğazı ətrafında təhlükəsizlik narahatlıqları fonunda səsləndirilib.