ABŞ prezidenti Donald Tramp Türkiyə və Suriya ilə bağlı verdiyi yeni açıqlamaları ilə beynəlxalq gündəmə yenidən damğasını vurdu. Tramp bildirib ki, Türkiyə Prezidenti Rəcəb Tayyib Ərdoğanla apardığı telefon danışığında Suriya məsələsi və sanksiyalarla bağlı mühüm məqamlar müzakirə edilib.
Redaksiya xəbər verir ki, "Prezident Ərdoğan mənə dedi ki, Suriyaya qarşı tətbiq olunan sanksiyaların aradan qaldırılması bu ölkənin sağ qalması üçün bir fürsət ola bilər. Mən də onunla eyni fikirdəyəm," – deyə Tramp qeyd edib.
Tramp, eyni zamanda, Rusiya Prezidenti Vladimir Putinin Türkiyədə baş tuta biləcək mümkün sülh görüşmələrinə onu da qatmaq istədiyini açıqlayıb: “Putin mənim də həmin görüşlərdə iştirak etməyimi istəyir. Bu hələ də gündəmdədir.”
Sabiq prezident həmçinin Türkiyəyə səfər ehtimalının yüksək olduğunu bildirib: “Türkiyəyə gedə bilərəm, Putin də mənim gəlməyimi istəyir.”
Trampın bu bəyanatları Vaşinqton-Ankara-Moskva xəttində mümkün yeni diplomatik təşəbbüslərin xəbərçisi kimi dəyərləndirilir. Ekspertlər onun yenidən qlobal siyasət səhnəsinə qayıtmaq cəhdlərinin bir hissəsi kimi bu cür açıqlamaların arxasında daha böyük planların dayandığını bildirirlər.
Sevinc Kərimova