ABŞ Prezidenti Donald Tramp Ağ Evin mətbuat katibi Keti Zakariyanın fəaliyyətindən narazı qalıb. Prezidentin yaxın çevrəsinə onun peşəkar bacarığının olmadığını və televiziyaya çıxmamalı olduğunu dediyi bildirilir. Zakariya vəzifəyə təyin edilməsindən cəmi beş gün sonra Ağ Evin mətbuat katibi postundan ayrılıb. Bu barədə POLITICO nəşri məlumat yayıb.
Redaksiya mənbəyə istinadən xəbər verir ki, Tramp Ağ Evdəki köməkçiləri ilə şəxsi söhbətlərində Zakariyanın televiziya çıxışlarını tənqid edib. Nəşrin məlumatına görə, ABŞ Prezidenti onun haqqında “heç bir istedadı yoxdur” ifadəsini işlədərək efirə çıxmasının məqsədəuyğun olmadığını bildirib.
Bundan əlavə, Tramp şəxsən Zakariya ilə danışaraq ona tutduğu vəzifədə qalmaq qərarını yenidən nəzərdən keçirməyi tövsiyə edib. Prezident mətbuat katibinin işinin böyük təzyiqlə müşayiət olunduğunu və onun bu vəzifəni davam etdirmək barədə düşünməli olduğunu bildirib.
Zakariyanın Ağ Evdəki fəaliyyəti ilk mətbuat konfransından sonra tənqidlərə səbəb olub. Onun jurnalistlərlə ilk brifinqi təxminən 14 dəqiqə davam edib və bu müddətdə yalnız üç media qurumunun suallarını cavablandırıb.
Mətbuat katibinin peşəkar fəaliyyəti ilə yanaşı, hüquq sahəsindəki ixtisası da müzakirə mövzusuna çevrilib. Zakariyanın özünü hüquqşünas kimi təqdim etməsinə baxmayaraq, ABŞ-də vəkillik fəaliyyəti üçün tələb olunan müvafiq imtahandan keçmədiyi barədə məlumatlar yayılıb.
Bunun ardınca Zakariyanın vəzifədə qalacağı ilə bağlı suallar yaranıb. Tramp jurnalistlərə açıqlamasında ona işini davam etdirmək qərarını yenidən düşünməyi məsləhət gördüyünü təsdiqləyib.
Nəticədə Keti Zakariya Ağ Evin mətbuat katibi vəzifəsindən cəmi beş gün sonra ayrılıb. Onun qısa müddətli fəaliyyəti ABŞ prezident administrasiyasında ən qısa mətbuat katibliyi dövrlərindən biri kimi diqqət çəkib.
Ağ Evin yeni mətbuat katibinin kim olacağı barədə isə hələ məlumat açıqlanmayıb.