Son zamanlarda süni intellekt sahəsindəki inkişaflar, bir tərəfdən şirkətləri zənginləşdirir, digər tərəfdən isə təbii sərvətlərin tükənməsinə səbəb olur. Süni intellekt akseleratorlarının (sürətləndiricilərinin) artan tələbatı enerji çatışmazlığına gətirib çıxarıb. Microsoft, bütün sürətləndiricilərini təmin etmək üçün kifayət qədər enerjinin olmadığını açıqladı, Çin isə şirkətlərə endirimlər etməyə başladı.
Redaksiya məlumat verir ki, Çində enerji böhranı yaşanır. Ölkədə öz şirkətlərinin hazırladığı süni intellekt sürətləndiricilərinin istifadəsinə qərar verilməsi, nisbətən səmərəliliyi aşağı olan bu çiplərin enerji aclığı ilə üzləşməsinə səbəb olub. Mövcud enerji xərcləri firmalar üçün yükə çevrilməyə başlayınca, endirim də qaçılmaz olub.
Məlumata görə, Çinli süni intellekt çipləri, Nvidia H20 ilə müqayisədə 30-50 faiz daha çox enerji sərf edir. Bu vəziyyət şirkətlərin yerli idarəetmə orqanlarından endirim tələb etməsinə səbəb olub. Sunucu sistemlərinin sıx olduğu Qansu, Quyçjou və Daxili Monqolustan yerli idarəetmə orqanları elektrik enerjisi fakturalarında 50 faizə qədər endirim tətbiq etməyə başlayıb. Digər tərəfdən, endirimin yalnız yerli sürətləndiricilərdən istifadə edən şirkətlər üçün keçərli olduğu bildirilir. Bu addım, Çinli firmaların rəqabət qabiliyyətini artırmaq və ölkə daxilində enerji xərclərini azaltmaq məqsədi daşıyır. Xüsusilə Huawei tərəfində endirimlərin təsirli olması gözlənilir. Ölkədə artıq alternativ enerji sahəsində böyük addımlar atıldığı üçün, enerji subsidiyasının problem yaratmayacağı ehtimal edilir.