Cənubi Hindistan sahillərində kimyəvi maddə daşıyan Hindistan bayraqlı bir yük gəmisi batıb. Hadisə, Hind okeanının Hindistan sahilinə yaxın hissəsində baş verib.
Redaksiya xəbər verir ki, gəminin göyərtəsində sənaye məqsədli kimyəvi maddələr olub. Qəzanın səbəbləri hələ tam aydınlaşdırılmasa da, ilkin ehtimallara görə hava şəraiti və texniki nasazlıq rol oynaya bilər.
Hadisə yerinə xilasetmə qrupları və ətraf mühit monitorinq komandaları cəlb olunub. Gəmidəki heyətin bir hissəsinin xilas edildiyi, bəzilərinin isə axtarışının davam etdiyi bildirilir.
Mütəxəssislər, sızmış kimyəvi maddələrin ətraf mühit və dəniz ekosisteminə potensial təsirləri barədə xəbərdarlıq edirlər. Hindistan Dəniz Qüvvələri və Ekologiya Nazirliyi hadisəni yaxından izləyir. Təhlükənin miqyası və mümkün ekoloji nəticələr yaxın günlərdə qiymətləndiriləcək.
Sevinc Kərimova