Bolqarıstan Avropa İttifaqının ən kasıb üzvü olmasına baxmayaraq avrozonanın 21-ci üzvü olub və bu addımla Polşa, Çexiya və Macarıstan kimi daha böyük iqtisadiyyatları geridə qoyub.
Redaksiya xəbər verir ki, gənc və şəhər əhalisi üçün avroya keçid ölkənin Avropa məkanına tam inteqrasiyası və yeni iqtisadi imkanlar kimi dəyərləndirilir, yaşlı və kənd yerlərində yaşayan əhali isə milli valyuta olan levin ləğvini narahatlıqla qarşılayır.
Lev 1881-ci ildən ölkənin rəsmi valyutası olub və 1997-ci ildən etibarən əvvəl Alman markasına, daha sonra isə avroya sabitlənib, bu səbəbdən texniki keçid nisbətən asan hesab olunur.
Qanunvericiliyə əsasən 2025-ci ilin avqustundan etibarən mağazalarda qiymətlər hər iki valyutada göstərilir və 1 avronun təxminən 2 levə bərabər olması qiymət artımı ilə bağlı narahatlıqları qismən azaldıb.
Yeni avro sikkələrinin üzərində milli simvolların əks olunması suverenliklə bağlı qorxuları yumşaltmaq məqsədi daşıyır və ölkə cəmiyyəti avronun Baltik modeli kimi inkişaf, yoxsa İtaliya nümunəsində durğunluq gətirəcəyini diqqətlə izləyir.