Son 30 gün ərzində dəyərinin 30 faizdən çoxunu itirən Bitcoin qiyməti 88 min ABŞ dollarına enib. Kriptovalyuta bazarında baş verən bu kəskin azalma investorlar arasında ciddi narahatlıq yaradıb və bazardakı riskləri yenidən gündəmə gətirib.
Redaksiya məlumat verir ki, sözügedən eniş kriptovalyuta bazarında ümumi dalğalanmanı gücləndirib və investor etimadını zəiflədib. Analitiklər bu qədər sürətli və dərin qiymət azalmasının bazarda problemlərin mövcudluğuna işarə etdiyini qeyd edirlər.
Bununla yanaşı, bəzi bazar iştirakçıları mövcud vəziyyəti alış üçün fürsət kimi dəyərləndirir. Ekspertlər isə kriptovalyuta investisiyalarının yüksək risk daşıdığını və ciddi maliyyə itkilərinə səbəb ola biləcəyini xatırladırlar.