BƏƏ Hörmüzə nəzarətə qarşı çıxıb

BƏƏ Hörmüzə nəzarətə qarşı çıxıb

Nizami Salmanov · Media ·

Birləşmiş Ərəb Əmirliklərinin yüksək vəzifəli rəsmisi Rim əl-Haşimi İranla münasibətlər və Hörmüz boğazındakı vəziyyət barədə açıqlama verib. O bildirib ki, region ölkələri coğrafi reallıqları nəzərə almalı və bir-biri ilə yaşamağın yolunu tapmalıdır.

Redaksiya Semafor-a istinadla xəbər verir ki, əl-Haşimi Hörmüz boğazının heç bir dövlətin nəzarətində olmamalı olduğunu vurğulayıb. Onun sözlərinə görə, beynəlxalq keçid yolları qlobal ictimai maraqlara xidmət edir və ticarət, enerji, ərzaq daşımaları üçün açıq qalmalıdır.

BƏƏ rəsmisi qeyd edib ki, İranla qonşuluq dəyişməyən coğrafi reallıqdır. Buna görə də ölkələr gərginliyi artırmaq əvəzinə, təhlükəsiz və dayanıqlı regional münasibətlər qurmağa məcburdur.

Əl-Haşiminin açıqlaması Hörmüz boğazı ətrafında təhlükəsizlik narahatlıqlarının artdığı vaxtda səslənib. Boğaz Körfəz ölkələrinin enerji ixracı üçün əsas marşrutlardan biri sayılır və burada yaranan hər hansı böhran qlobal bazarlara birbaşa təsir göstərir.