Bu il ərzində Apple şirkəti bir sıra yeni məhsullar təqdim etmişdir. Şirkət ilin əvvəlində yeni AirTag ilə başlayaraq, ardınca M5 prosessorlu yeni MacBook Air, A18 Pro prosessorlu qiymət-performans modeli MacBook Neo, M5 Pro və M5 Max prosessorlu yeni MacBook Pro modelləri, yeni qiymət-performans modeli iPhone 17e, yeni Studio Display seriyası və M4 prosessorlu yeni iPad Air-i təqdim etmişdir. Bu il şirkətdən daha nələr gözlənilir sualı isə maraq doğurur.
Redaksiya mənbəyə istinadən xəbər verir ki, Bloomberg-dən Mark Gurman-ın son məlumatlarına görə, Apple-dan yaxın aylarda toxunma OLED ekrana sahib M6 prosessorlu yeni MacBook Pro, yaxud ehtimal olunan adı ilə MacBook Ultra təqdim edilə bilər. Həmçinin, böyük yeniliklər gətirməyəcəyi gözlənilən iPhone 18 Pro və iPhone 18 Pro Max modelləri (iPhone 18 və iPhone Air 2-nin 2027-ci ilin əvvəlində gələcəyi bildirilir) də gözlənilir. Böyük maraq doğuran ilk qatlana bilən iPhone modeli (iPhone Ultra adlandırıla bilər) və qırmızı infraqırmızı kameralara sahib olacağı iddia edilən yeni AirPods Pro da təqdim oluna bilər.
Bundan əlavə, yeni rəng seçimləri və prosessorla yenilənəcək 24 düymlük iMac, yeni prosessorlarla gücləndiriləcək Mac Studio və Mac mini modelləri, eləcə də HomePod ilə iPad-i birləşdirəcək ekranlı yeni bir məhsulun təqdimatı gözlənilir. Şirkətin ilin sonuna qədər bu yeni məhsulları təqdim edə biləcəyi ehtimal olunur.