Smartfon prosessorları arasında rəqabət hər il artdıqca, tərtibatçıların diqqəti artıq yalnız xam performansa deyil, həm də səmərəlilik və performans göstəricilərinə yönəlməyə başlayıb. Yaxın vaxtlarda Exynos 2600, Snapdragon 8 Elite Gen 5 və Dimensity 9500-nin GPU və CPU nəticələrindən bəhs olunmuşdu. Son olaraq isə üç flaqman prosessoruna aid IPC (saat dövrü başına təlimat sayı) performansı paylaşılıb.
Redaksiya məlumat verir ki, Apple A19 Pro səmərəlilikdə lider kimi təqdim olunur. Məlumatda qeyd edilir ki, CPU dövrü bir prosessorun bir komandanı yerinə yetirmək üçün izlədiyi prosesi ifadə edir və bu proses Məlumat Alma (bellekdən məlumatın götürülməsi), Kodun Şərhi (şərh etmə), Yürütmə (emal) və Nəticənin Yaddaşa Yazılması mərhələlərindən ibarətdir. Paylaşılan son məlumatlara görə, ABŞ şirkətinin Apple A19 Pro modeli IPC (instructions per clock) göstəricisi üzrə, yəni saat dövrü başına işlənən komanda sayına görə rəqiblərini qabaqlayır. Bu metrik eyni tezlikdə prosessorun nə qədər iş görə bildiyini göstərdiyi üçün arxitektura səmərəliliyi baxımından kritik hesab olunur. Verilənlərə əsasən A19 Pro tək bir saat dövründə təxminən 0.89 komanda emal edə bilir. Bu göstərici Dimensity 9500 üçün 0.79 səviyyəsində qalır və aradakı fərq təxminən %13 təşkil edir. Eyni məntiqə görə A19 Pro, Snapdragon 8 Elite Gen 5 ilə müqayisədə təxminən %10, Exynos 2600-ə görə isə təxminən %6 daha səmərəli görünür.
Bu nəticələrin Apple-ın yalnız tezlik və ya nüvə gücü ilə deyil, birbaşa arxitektura dizaynı tərəfdən də üstünlük əldə etdiyini göstərdiyi vurğulanır. Maraqlı detal isə Exynos 2600 tərəfində ortaya çıxır: eyni ARM əsaslı nüvədən istifadə etməsinə baxmayaraq, Exynos 2600 Dimensity 9500 ilə müqayisədə təxminən %6 daha yüksək IPC dəyərinə çatır. Üstəlik bu fərq daha aşağı saat sürətinə baxmayaraq əldə edilir. Məlumatda fərqin səbəbi kimi yaddaş səmərəliliyi və keş (önbellek) tutumunun ola biləcəyi qeyd olunur.