Ağ Evdə III Çarlzın qarşılanması ərəfəsində diqqət çəkən bir səhvə yol verilib. "The Star" qəzetinin yazdığına görə, Britaniya bayraqları əvəzinə Avstraliya bayraqları asılıb. Bu insident, dövlət səfəri öncəsi protokolun vacibliyini bir daha gündəmə gətirib.
Redaksiya məlumat verir ki, kralın səfər marşrutu boyunca ümumilikdə 230-dan çox bayraq asılmışdı. Lakin kiminsə səhvi nəticəsində bu bayraqlardan ən azı 15-i Avstraliya bayrağı olaraq müəyyən edilib. Həmin bayraqlar sonradan Britaniya bayraqları ilə əvəz olunub.
III Çarlz aprelin 27-30-da ABŞ-a dövlət səfəri edəcək. Bu səfər ABŞ-ın Britaniya hökmranlığından Müstəqillik Bəyannaməsinin 250 illiyinə həsr olunacaq. Monarxın ABŞ Konqresində çıxış edəcəyi və Ağ Evin rəhbəri, ABŞ prezidenti Donald Tramp tərəfindən qəbul ediləcəyi gözlənilir.